ગુજરાત સરકારનો મોટો નિર્ણય ક્લાસ-1 અને 2ની વહીવટી ભરતીમાં હવે અનુભવની જરૂરત નહીં રહે

Gujarat | Ahmedabad | 25 June, 2026 | 04:37 PM

કોઇપણ સ્નાતક સીધી ભરતીની સ્પર્ધાત્મક પરીક્ષામાં ભાગ લઇ શકશે

સાંજ સમાચાર

ગાંધીનગર, તા.25
ગુજરાતના સરકારી નોકરીની તૈયારી કરતા યુવાનો માટે એક ખુબ જ મોટા અને રાહતના સમાચાર સામે આવી રહ્યા છે. રાજ્ય સરકાર દ્વારા વહીવટી ભરતીના નિયમોમાં ઐતિહાસિક ફેરફાર કરવાની તડામાર તૈયારીઓ ચાલી રહી છે.

આ નવા પ્રસ્તાવ મુજબ, રાજ્ય સરકારના વિવિધ વિભાગોમાં વહીવટી અધિકારી વર્ગ-1 અને વર્ગ-2ની સીધી ભરતી માટે અત્યાર સુધી જે વર્ષોના અનુભવ ની જરૂરિયાત હતી, તેને હવે સંપૂર્ણપણે દૂર કરવામાં આવી શકે છે.

અત્યાર સુધીના નિયમો પ્રમાણે, વહીવટી અધિકારી વર્ગ-1ની ભરતી માટે ઉમેદવારો પાસે 5 વર્ષ અને વર્ગ-2 માટે 3 વર્ષનો વહીવટી અનુભવ હોવો અનિવાર્ય હતો. જેના કારણે લાખો લાયક ઉમેદવારો ફોર્મ ભરવાથી વંચિત રહી જતા હતા. પરંતુ, જો આ નવી દરખાસ્ત મંજૂર થશે તો હવે કોઈ પણ પ્રવાહના સ્નાતક ઉમેદવાર આ સીધી ભરતીની સ્પર્ધાત્મક પરીક્ષામાં ભાગ લઈ શકશે.

આ ફેરફાર પાછળ સરકારનો હેતુ ભરતી પ્રક્રિયાને વધુ સરળ, પારદર્શક અને ઝડપી બનાવવાનો છે. આ સાથે જ ગુજરાત જાહેર સેવા આયોગ દ્વારા એક સંયુક્ત સ્પર્ધાત્મક પરીક્ષા યોજવાનો પણ પ્રસ્તાવ મૂકવામાં આવ્યો છે. અનુભવની શરત હટવાથી ૠઙજઈની પરીક્ષામાં બેસતા ઉમેદવારોની સંખ્યામાં મોટો ઉછાળો આવશે અને પ્રતિભાશાળી યુવાનોને સીધો જ વહીવટી તંત્રમાં જોડાવાનો મોકો મળશે.