6 વર્ષની `જીની લૂ' બની સૌથી ક્યૂટ `અગ્લી' ડોગી

India, Off-beat | 18 August, 2026 | 11:07 AM

ચાર પ્રયાસો બાદ દક્ષિણ કોરિયાની આ ડોગીએ જીત્યો `વર્લ્ડ્સ અગ્લિએસ્ટ ડોગ'નો ખિતાબ

સાંજ સમાચાર

નવી દિલ્હી તા, 18
કદરૂપું હોવું એ જોનારની નજર પર આધાર રાખે છે, પણ જ્યારે એના માટે કોઈ ટ્રોફી મળવાની હોય ત્યારે વાત આખી બદલાઈ જાય છે! દર વર્ષે અનોખા અને અલગ દેખાતા શ્વાન `વર્લ્ડ્સ અગ્લિએસ્ટ ડોગ' (દુનિયાનો સૌથી કદરૂપો શ્વાન)નો ટાઇટલ જીતવા માટે સ્પર્ધામાં ભાગ લે છે.

આ વર્ષે 6 વર્ષની `જીની લૂ' નામની પગ (Pug) જાતિની કૂતરીએ આ ખિતાબ પોતાના નામે કર્યો છે. મોંમાંથી બહાર લટકતી જીભ અને મોટી ગોળ આંખો ધરાવતી જીની લૂએ સતત ચાર પ્રયાસો (અને 2025માં રનર-અપ રહ્યા) પછી આખરે આ વર્ષે જીતનો તાજ પહેર્યો છે. દક્ષિણ કોરિયાથી આવેલી આ કૂતરીએ સેન્ટા રોસા ખાતે યોજાયેલી આ સ્પર્ધામાં જીત મેળવીને 5,000 ની રોકડ રકમ અને એક ચમકતી ટ્રોફી ઇનામમાં પ્રાપ્ત કરી છે.

સોનોમા-મરીન ફેરગ્રાઉન્ડ્સ ખાતે યોજાયેલી આ વિશ્વપ્રસિદ્ધ સ્પર્ધાની આ 50મી વર્ષગાંઠ હતી. આ સ્પર્ધા માત્ર વિચિત્ર કે અલગ દેખાવ ધરાવતાં શ્વાન શોધવા પૂરતી સીમિત નથી, પરંતુ તેનો મુખ્ય હેતુ રેસ્ક્યૂ કરાયેલાં કે આશ્રયસ્થાનમાં રહેતાં શ્વાનોને લોકો દત્તક લે તે માટે પ્રોત્સાહન આપવાનો અને જાગૃતિ ફેલાવવાનો છે. આ ઉપરાંત, દરેક શ્વાનની અનોખી શારીરિક ખામીઓને સ્વીકારીને તેમનું સન્માન કરવાનો પણ છે, જે તેમને અન્ય શ્વાન કરતાં અલગ અને ખાસ બનાવે છે.