US OPEN : જીત સાથે રિબાકિના નંબર-1 બનવાની નજીક

ઓસાકાને હરાવીને ક્વાર્ટર ફાઇનલમાં બનાવી જગ્યા, હવે ચીનની ઝેંગ સામે થશે ટક્કર

ન્યૂયોર્ક, તા. 9
કઝાકિસ્તાનની ટેનિસ સ્ટાર એલેના રિબાકિના નાઓમી ઓસાકાને સરળતાથી હરાવીને યુએસ ઓપન ટેનિસના વિમેન્સ સિંગલ્સના ક્વાર્ટર ફાઇનલમાં પહોંચી ગઈ છે. આ સાથે જ તે વિશ્વની નંબર વન મહિલા ખેલાડી બનવાથી માત્ર એક જીત દૂર છે.

તેમને હવે રેન્કિંગમાં ટોચ પર પહોંચવા માટે ચીનની ઝેંગ કિનવેનને હરાવવી પડશે. રિબાકિનાએ ચોથા રાઉન્ડમાં ઓસાકા સામે 6-1, 6-4 થી જીત મેળવી હતી.

હવે સામે ચીની ચેલેન્જ
બીજી રેન્કિંગ પ્રાપ્ત રિબાકિના સેમિફાઇનલમાં જગ્યા બનાવવા પર અરીના સબાલેન્કાને પછાડીને WTA રેન્કિંગમાં ટોચના સ્થાને પહોંચી જશે. સબાલેન્કા ઓક્ટોબર 2024થી સતત 98 સપ્તાહ સુધી વર્લ્ડ રેન્કિંગમાં ટોપ પર બનેલી છે.

તેમણે હવે ચીનની ઝેંગને રોકવી પડશે, જેમણે સતત બીજા મેચમાં 0-5થી પાછળ રહ્યા બાદ શાનદાર પુનરાગમન કર્યું. ઓલિમ્પિક્સ 2024ની ગોલ્ડ મેડલિસ્ટ ઝેંગે આઠમી રેન્કિંગ પ્રાપ્ત ઈગા સ્વિટેકને 7-5, 6-3થી હરાવીને ફ્લશિંગ મેડોઝમાં અંતિમ-8માં પહોંચનારી પ્રથમ ક્વોલિફાયર ખેલાડી બનવાનું ગૌરવ હાસિલ કર્યું છે. આ પહેલા એમ્મા રાડુકાનુએ 2021માં એવું કર્યું હતું.

બે ગ્રાન્ડસ્લેમની વિજેતા
રિબાકિનાએ આ વર્ષે ઓસ્ટ્રેલિયન ઓપન જીતીને પોતાનો બીજો ગ્રાન્ડસ્લેમ ખિતાબ હાસિલ કર્યો અને નંબર-2 રેન્કિંગ તેમના કરિયરની બેસ્ટ છે. જો સબાલેન્કા, કોકો ગૌફ કે જેસિકા પેગુલામાંથી કોઈ પણ ખિતાબ નથી જીતતું, તો ઝેંગ સામે હારવા છતાં પણ તે નંબર-1 પર પહોંચી શકે છે.

 ◙ 8મી વાર ગ્રાન્ડસ્લેમ ક્વાર્ટર ફાઇનલમાં જગ્યા બનાવી એલેના રિબાકિનાએ. વર્ષ 2026માં તેમણે કુલ 46 મેચ જીત્યાં છે.
 ◙ 30મી ખેલાડી બની શકે છે એલેના રિબાકિના વિમેન્સ સિંગલ્સમાં નંબર વન WTA રેન્કિંગ હાસિલ કરનારી.

>> ભાગ્ય જ કોઈ એવું હશે જે વર્લ્ડ નંબર-1 ન બનવા માંગે. આ મારા લક્ષ્યોમાંથી પણ એક છે." ----- એલેના રિબાકિના

ઝવેરેવ પણ અંતિમ-8માં
મેન્સ સિંગલ્સમાં જર્મનીનાં અલેક્જેન્ડર ઝવેરેવનું શાનદાર પ્રદર્શન પણ ચાલું છે. ઝવેરેવે ઈટાલીના લુસિઆનો ડાર્ડેરીને 6-2, 6-2, 7-6થી હરાવીને અંતિમ-8માં જગ્યા બનાવી લીધી.

જીત સાથે જ ઝવેરેવ 2026માં તમામ ચાર ગ્રાન્ડસ્લેમ ક્વાર્ટર ફાઇનલમાં પહોંચનારા એકમાત્ર ખેલાડી બની ગયા છે. બેલ્જિયમના 28મી રેન્કિંગ પ્રાપ્ત અલેક્જેન્ડર બ્લોકક્સ પણ ક્વાર્ટર ફાઇનલમાં જગ્યા બનાવી લીધી છે.

ટૂર્નામેન્ટનો ચોથો સૌથી લાંબો મેચ
મેન્સ સિંગલ્સમાં બોટિક વેન ડી ઝેંડશુલ્પ ને આર્થર ગીયાને પાંચ કલાક 13 મિનિટમાં 3-6, 6-7, 7-6, 7-6, 6-4 થી હરાવ્યાં, જે યુએસ ઓપનના ઇતિહાસનો ચોથો સૌથી લાંબો મેચ હતો. રેકોર્ડ ડેન ઈવાન્સ અને કારેન ખાચાનોવના નામે છે.

જેમણે વર્ષ 2024માં પહેલાં રાઉન્ડમાં પાંચ કલાક 35 મિનિટ સુધી મુકાબલો કર્યો હતો. અહીં ખાચાનોવ પણ ઉતર્યા અને લર્નર ટિએનને 7-5, 4-6, 6-7, 6-1, 6-4 થી હરાવીને અંતિમ-8માં જગ્યા બનાવી.