સ્મોલકેપની તેજી કેટલી ટકાઉ? 63 ટકા શેરોનું રિટર્ન ઇન્ડેકસથી ઓછું

નિફ્ટી કેમ પાર નથી કરી રહ્યો 25,000? શું આઈપીઓના પૂરે રોકી દીધી રફ્તાર

મુંબઈ, તા. 27
ભારતીય શેરબજારમાં વર્ષ 2026-27માં ભલે જબરદસ્ત તેજી આવી છે, મિડકેપ, સ્મોલકેપ અને માઇક્રોકેપે 20 થી 40 ટકા સુધી રિટર્ન આપ્યું છે, પરંતુ નિફ્ટી 50 છેલ્લા 6 મહિનાથી 25,000ના સ્તરની નીચે અટવાયેલો છે.

5 જાન્યુઆરીએ આ 26,373ના રેકોર્ડ સ્તર પર પહોંચ્યો હતો, જ્યારે 27 ફેબ્રુઆરીએ છેલ્લી વાર 25,000 નો સ્તર પાર કર્યો હતો. આ પછીથી સૂચકાંક 22,000 થી 24,000 ની શ્રેણીમાં અટવાયેલો છે. 

કંપનીઓના નબળા પરિણામો, વિદેશી રોકાણકારોની ઉપાડ, રૂપિયાની નબળાઈ અને વધતા ભૂ-રાજકીય જોખમો બજાર પર દબાણ બનાવી રહ્યા છે. પરંતુ બજારના રેન્જ-બાઉન્ડ રહેવાનું એક કારણ આઈપીઓ-ઓએફએસ (પ્રાથમિક બજાર)માં થઈ રહેલું મોટું રોકાણ પણ છે.

આઈપીઓ, ક્યુઆઈપી અને ઓફર ફોર સેલ (ઓએફએસ)ની પૂરે ઘરેલું રોકાણકારોના પૈસા માટે નવો પડકાર ઊભો કરી દીધો છે. પ્રાથમિક બજારમાં મોટી માત્રામાં પૈસા જવાના કારણે હાલની લિસ્ટેડ કંપનીઓનાં શેરોમાં ખરીદી નબળી પડી છે.

માર્ચથી ઓગસ્ટ વચ્ચે પ્રાથમિક બજારમાં ઘરેલું રોકાણકારોના પૈસા લગભગ 9 ગણા વધ્યા છે. આનાથી વિપરીત, શેરબજારમાં ઘરેલું રોકાણ માર્ચના 1.42 લાખ કરોડ રૂપિયાથી ઘટીને ઓગસ્ટમાં 36,863 કરોડ રૂપિયા રહી ગયું.

જુલાઈ-ઓગસ્ટમાં આઈપીઓ-ઓએફએસમાં 1.10 લાખ કરોડનું રોકાણ થયું, જ્યારે શેરબજારમાં રોકાણ માત્ર 75,000 કરોડ રહ્યું. આની અસર બજાર પર પણ દેખાઈ રહી છે. જિયોજિત ઈન્વેસ્ટમેન્ટ્સના વીકે વિજયકુમારે કહ્યું કે, આઈપીઓ પૈસા ખેંચી રહ્યા છે, પરંતુ બજાર પર સૌથી મોટું દબાણ મોંઘા કાચા તેલ અને ઈરાન સંકટની અનિશ્ચિતતા છે.

ભલે બ્લૂ-ચિપ શેરોની તેજી સીમિત હોય, પણ મિડ-સ્મોલકેપ શેર બહેતર પ્રદર્શન કરી રહ્યા છે. ઘટાડાવાળા શેરોની સરખામણીમાં વધવા વાળા શેરોની સંખ્યા વધુ છે એટલે કે એડવાન્સ-ડિક્લાઈન રેશિયો આ મહિને સતત પાંચમા મહિને 1 થી ઉપર રહ્યો. ઓગસ્ટમાં આનો સરેરાશ 1.07 રહ્યો, જે ચાર મહિનાનો સૌથી ઊંચો સ્તર છે.

શું સ્મોલકેપમાં વધી ચિંતા?
સ્મોલકેપ ઈન્ડેક્સની રેકોર્ડ તેજી પાછળ એક મોટું જોખમ છુપાયેલું છે. પહેલી નજરે સ્મોલકેપ ઈન્ડેક્સ લાર્જ અને મિડકેપને પછાડતા નવી ઊંચાઈઓને અડતો દેખાઈ રહ્યો છે, પરંતુ સપાટીની નીચે હકીકત સાવ ઊંધી છે. યસ સિક્યોરિટીઝના રિપોર્ટ અનુસાર, સાલ 2026 માં નિફ્ટી સ્મોલકેપ 250 ઈન્ડેક્સના માત્ર 37.2 ટકા શેર જ પોતાના બેન્ચમાર્ક ઈન્ડેક્સથી બહેતર પ્રદર્શન કરી શક્યા છે.

આ આઠ વર્ષોમાં સ્મોલકેપ શેરોની સૌથી નબળી ચાલ છે. દર 10 માંથી 6 થી વધુ સ્મોલકેપ શેર ઈન્ડેક્સના રિટર્નની બરાબરી પણ નથી કરી રહ્યાં. ઈન્ડેક્સને માત્ર પસંદગીના શેર ઉપર ખેંચી રહ્યાં છે, જેનાથી અંધાધૂંધ પૈસા લગાવવા વાળા છૂટક રોકાણકારોના ફસાવવાનું જોખમ વધી ગયું છે.