કંપનીઓને તક છૂટી જવાનો ડર !

IPO માં લિસ્ટીંગ ગેન માટે મોટી સ્પર્ધા !

ગ્રે માર્કેટ પ્રીમિયર સરેરાશ 15 થી 25 ટકાની વચ્ચે પહોંચ્યું

નવી દિલ્હી, તા, 20
શેરબજારમાં નવા આઈપીઓની ધમાકેદાર એન્ટ્રીએ રોકાણકારોમાં હલચલ મચાવી દીધી છે. તાજેતરનાં અઠવાડિયામાં લિસ્ટ થયેલી કંપનીઓએ રોકાણકારોને લિસ્ટિંગના દિવસે જ 47 ટકા સુધીનો નફો આપ્યો છે.

આ જબરદસ્ત કમાણી જોઈને હવે રોકાણકારોમાં 'ક્યાંક તક હાથમાંથી ન નીકળી જાય' (FOMO) વાળી સ્થિતિ બની ગઈ છે. આની અસર ગ્રે માર્કેટ પર પણ દેખાઈ રહી છે, જ્યાં શેરોના ભાવ પોતાની નક્કી કિંમતથી 25 ટકાથી 50 ટકા ઉપર સુધી પહોંચી ગયા છે. 

ગ્રે માર્કેટ પ્રીમિયમ (GMP) એ વધારાની કિંમત છે જે રોકાણકાર કોઈ શેર માટે તેની નક્કી કિંમત (આઈપીઓ પ્રાઇસ) થી ઉપર આપવા તૈયાર રહે છે. આમાં ઉછાળો એ વાતનો ઈશારો છે કે રોકાણકારોને આગામી આઈપીઓથી લિસ્ટિંગના દિવસે મોટા નફાની આશા છે.

ઈ-કોમર્સ ક્ષેત્રમાં કામ કરતી કંપની શિપરોકેટ લિમિટેડના શેરોની બુધવારે શેરબજારમાં શાનદાર એન્ટ્રી થઈ. કંપનીનો શેર પોતાના 97 રૂપિયાના ઈશ્યૂ પ્રાઇસ (નક્કી કિંમત) ની સરખામણીએ 35 ટકાના વધારા સાથે લિસ્ટ થયો.

ત્યાં જ, લોખંડ અને સ્ટીલ બનાવતી કંપની બિહારી લાલ એન્જિનિયરિંગ પોતાનાં 285 રૂપિયાના ઈશ્યૂ પ્રાઇસથી 76 ટકાથી પણ વધુના જબરદસ્ત વધારા સાથે બંધ થયો. લિસ્ટિંગ પહેલા બિહારી લાલ એન્જિનિયરિંગનો GMP આશરે 44 ટકા ઉપર ચાલી રહ્યો હતો. બીજી તરફ શિપરોકેટ લિમિટેડનો પ્રીમિયમ કરીબ 38 ટકા ચાલી રહ્યો હતો.

ત્યાં જ, લલિતા જ્યુલરી માર્ટનો GMP 201 રૂપિયાના ભાવથી 17 ટકા ઉપર ચાલી રહ્યો છે. આની લિસ્ટિંગ 24 ઓગસ્ટે થવાની છે. આવી જ રીતે, સનશાઇન પિક્ચર્સનો GMP 21 ટકા ઉપર છે, જ્યારે સ્કાઇવેજ એર સર્વિસેજ માટે લોકો 24 ટકા (138 રૂપિયાના ભાવ પર 33 રૂપિયા વધારે) આપવા તૈયાર છે.

ટેમ્પસેન્સ ઇન્સ્ટ્રૂમેન્ટ્સ ઇન્ડિયાનો આઈપીઓ 20 ઓગસ્ટે ખુલશે, પરંતુ ગ્રે માર્કેટમાં અત્યારથી જ આના 300 રૂપિયાના ભાવ પર 56 ટકા (આશરે 168 રૂપિયા)નું પ્રીમિયમ ચાલી રહ્યું છે.

બ્રોકર્સ અને ટ્રેડર્સનું કહેવું છે કે, તાજેતરના દિવસોમાં ગ્રે માર્કેટ પ્રીમિયમ સરેરાશ 15 ટકાથી 25 ટકાની વચ્ચે પહોંચી ગયું છે. સરખામણી માટે જોઈએ તો જાન્યુઆરીથી જુલાઈ વચ્ચે આવેલા 39 આઈપીઓ માં આ પ્રીમિયમ માત્ર 5-6 ટકાની આસપાસ હતું. ત્યાં જ વર્ષ 2025 માં જ્યારે 103 આઈપીઓ આવ્યા હતા, ત્યારે પ્રીમિયમ 8-10 ટકાની વચ્ચે રહેતું હતું.

મહત્વની વાતો 
- તાજેતરના આઈપીઓએ સરેરાશ 15-25 ટકાનું લિસ્ટિંગ ગેન આપ્યું છે, જે વર્ષની શરૂઆત (5-6 ટકા) ની સરખામણીએ વધારે છે.
- જુલાઈનો સરેરાશ રિટર્નઃ 20 ટકા (લિસ્ટિંગના દિવસે).

શું છે કારણ?
અનલિસ્ટેડ અરેનાના મનન દોશી કહે છે કે ગ્રે માર્કેટમાં આ તેજી તાજેતરમાં લિસ્ટ થયેલાં શેરોના શાનદાર પ્રદર્શનના લીધે છે.
ધરાવત સિક્યોરિટીઝના હિતેશ ધરાવત કહે છે કે હવે નાના-મોટા રોકાણકારોમાં એ વાતનો ડર (FOMO) છે કે ક્યાંક કમાણીની આ તક ચૂકી ન જવાય. આ જ કારણથી નવા આઈપીઓને બહુ વધારે આવેદન મળી રહ્યા છે.

કેટલું રિટર્ન?
આંકડા મુજબ, જુલાઈમાં લિસ્ટ થયેલાં 12 આઈપીઓએ સરેરાશ 20 ટકાનું રિટર્ન આપ્યું, જ્યારે જાન્યુઆરીથી જૂનની વચ્ચે લિસ્ટ થયેલા 27 શેરોનો સરેરાશ નફો 9 ટકા હતો. 

જોકે, કેટલાક આવનારા આઈપીઓ જેવા કે ગઝા અલ્ટરનેટિવ અસેટ મેનેજમેન્ટ, શંકેશ જ્યુઅલર્સ અને હોરાઇઝન ઇન્ડસ્ટ્રિયલ પાર્ક્સનો GMP અત્યારે થોડો સુસ્ત છે.